Sajaaye Aankh Mein Furqat Khare Ho

Kisi Mehwish Se Ulfat Ho Gai Kiya?
Kahin, Khud Se Adaawat Ho Gai Kiya?

Tere Haathon Mein Parcham Ishq Ka Hai
Zamaane Se Baghawat Ho Gai Kiya?

Bohot Shereen Sukhan, Shereen Dahen Ho
Muhabbat Ek Aadat Ho Gai Kiya?

Sajaaye Aankh Mein Furqat Khare Ho
Milan Ki Aas Rukhsat Ho Gai Kiya?

Dil-e-Nadaan Ki Dharkan Barh Gai Hai
Judaai Apni Qismat Ho Gai Kiya?

Kaf-e-Afsos Kaisaa “Zain Sahib”
Lagi Dil Ki, Qayamat Ho Gai Kiya.