ﻣﯿﮟ ﺧﯿﺎﻝ ﮨﻮﮞ ﮐﺴﯽ ﺍﻭﺭ ﮐﺎ ﻣﺠﮭﮯ ﺳﻮﭼﺘﺎ ﮐﻮﺋﯽ ﺍﻭﺭ ﮨﮯ

ﻣﯿﮟ ﺧﯿﺎﻝ ﮨﻮﮞ ﮐﺴﯽ ﺍﻭﺭ ﮐﺎ ﻣﺠﮭﮯ
ﺳﻮﭼﺘﺎ ﮐﻮﺋﯽ ﺍﻭﺭ ﮨﮯ
ﺳﺮِ ﺁﺋﯿﻨﮧ ﻣﺮﺍ ﻋﮑﺲ ﮨﮯ ﭘﺲ ِ ﺁﺋﯿﻨﮧ ﮐﻮﺋﯽ
ﺍﻭﺭ ﮨﮯ
ﻣﯿﮟ ﮐﺴﯽ ﮐﮯ ﺩﺳﺖ ِ ﻃﻠب
ﻣﯿﮟ ﮨﻮﮞ ﺗﻮ
ﮐﺴﯽ ﮐﮯ ﺣﺮﻑ ِ ﺩﻋﺎ ﻣﯿﮟ ﮨﻮﮞ
ﻣﯿﮟ ﻧﺼﯿﺐ ﮨﻮﮞ ﮐﺴﯽ ﺍﻭﺭ ﮐﺎ ﻣﺠﮭﮯ
ﻣﺎﻧﮕﺘﺎ ﮐﻮﺋﯽ ﺍﻭﺭ ﮨﮯ
ﻋﺠﺐ ﺍﻋﺘﺒﺎﺭ ﻭ ﺑﮯ ﺍﻋﺘﺒﺎﺭﯼ ﮐﮯ ﺩﺭﻣﯿﺎﻥ ﮨﮯ
ﺯﻧﺪﮔﯽ
ﻣﯿﮟ ﻗﺮﯾﺐ ﮨﻮﮞ ﮐﺴﯽ ﺍﻭﺭ ﮐﮯ، ﻣﺠﮭﮯ
ﺟﺎﻧﺘﺎ ﮐﻮﺋﯽ ﺍﻭﺭ ﮨﮯ
ﺗﺠﮭﮯ ﺩﺷﻤﻨﻮﮞ ﮐﯽ ﺧﺒﺮ ﻧﮧ ﺗﮭﯽ،
ﻣﺠﮭﮯ ﺩﻭﺳﺘﻮﮞ ﮐﺎ ﭘﺘﮧ ﻧﮧ ﺗﮭﺎ
ﺗﺮﯼ ﺩﺍﺳﺘﺎﮞ ﮐﻮﺋﯽ ﺍﻭﺭ ﺗﮭﯽ، ﻣﺮﺍ ﻭﺍﻗﻌﮧ
ﮐﻮﺋﯽ ﺍﻭﺭ ﮨﮯ
ﻭﮨﯽ ﻣﻨﺼﻔﻮﮞ ﮐﯽ ﺭﻭﺍﯾﺘﯿﮟ، ﻭﮨﯽ ﻓﯿﺼﻠﻮﮞ
ﮐﯽ ﻋﺒﺎﺭﺗﯿﮟ
ﻣﺮﺍ ﺟﺮﻡ ﺗﻮ ﮐﻮﺋﯽ ﺍﻭﺭ ﺗﮭﺎ، ﭘﺮ ﻣﺮﯼ ﺳﺰﺍ
ﮐﻮﺋﯽ ﺍﻭﺭ ﮨﮯ
ﮐﺒﮭﯽ ﻟﻮﭦ ﺁﺋﯿﮟ ﺗﻮ ﭘﻮﭼﮭﻨﺎ، ﻧﮩﯿﮟ ﺩﯾﮑﮭﻨﺎ
ﺍﻧﮩﯿﮟ ﻏﻮﺭ ﺳﮯ
ﺟﻨﮩﯿﮟ ﺭﺍﺳﺘﮯ ﻣﯿﮟ ﺧﺒﺮ ﮨﻮﺋﯽ ﮐﮧ ﯾﮧ
ﺭﺍﺳﺘﮧ ﮐﻮﺋﯽ ﺍﻭﺭ ﮨﮯ
ﻣﺮﯼ ﺭﻭﺷﻨﯽ ﺗﺮﮮ ﺧﺪّ ﻭ ﺧﺎﻝ ﺳﮯ ﻣﺨﺘﻠﻒ
ﺗﻮ ﻧﮩﯿﮟ ﻣﮕﺮ
ﺗُﻮ ﻗﺮﯾﺐ ﺁ ﺗﺠﮭﮯ ﺩﯾﮑﮫ ﻟﻮﮞ ﺗُﻮ ﻭﮨﯽ ﮨﮯ ﯾﺎ
ﮐﻮﺋﯽ ﺍﻭﺭ ﮨﮯ
ﺟﻮ ﻣﺮﯼ ﺭﯾﺎﺿﺖِ ﻧﯿﻢ ﺷﺐ ﮐﻮ ﺳﻠﯿﻢ ﺻﺒﺢ
ﻧﮧ ﻣﻞ ﺳﮑﯽ
ﺗﻮ ﭘﮭﺮ ﺍﺱ ﮐﮯ ﻣﻌﻨﯽ ﺗﻮ ﯾﮧ ﮨﻮﺋﮯ ﮐﮧ
ﯾﮩﺎﮞ ﺧﺪﺍ ﮐﻮﺋﯽ ﺍﻭﺭ ﮨﮯ
ﺷﺎﻋﺮ: ﺳﻠﯿﻢ ﮐﻮﺛﺮ